នាព្រឹកថ្ងៃទី០២ ខែតុលា ឆ្នាំ២០២២ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា សមាជិកាព្រឹទ្ធសភាប្រចាំភូមិភាគទី៨ និងជាប្រធានក្រុមការងារគណបក្សចុះមូលដ្ឋានស្រុកកំពង់ស្វាយ ខេត្តកំពង់ធំ បានអញ្ជើញចុះសួរសុខទុក្ខ សំណេះសំណាល និងនាំយកអំណោយជូនដល់លោកយាយ លោកតា មា មីង បងប្អូនដែលជួបការលំបាកជីវភាពខ្វះខាតរងគ្រោះដោយសារជំនន់ទឹកភ្លៀង ចំនួន៦០គ្រួសារ ដែលពួកគាត់អញ្ជើញមកពី៣ភូមិ ក្នុងឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។ អំណោយដែលត្រូវចែកជូននាឱកាសនោះទទួលបានក្នុងមួយគ្រួសារៗ អង្ករចំនួន២០គីឡូក្រាម មី ត្រីខ ទឹកត្រី ទឹកសុីអុីវ អំបិល ប៊ីចេង ក្រមាចំនួន១ និងថវិកា២មុឺនរៀល នៅឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។