វេលារសៀលថ្ងៃអង្គារ ៧រោច ខែចេត្រឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែមេសា ឆ្នាំ២០២០ លោកជំទាវទី បូរ៉ាស៊ី ប្រធានគណៈកម្មការទី៥ព្រឹទ្ធសភា អមដំណើរដោយលោកថន សុវណ្ណា អភិបាលស្រុក លោកនុត ប៉ាត ទីប្រឹក្សាក្រសួងធនធានទឹកនិងឧតុនិយម លោកស៊ឺម សុខវិបូរ ប្រធានលេខាធិការដ្ឋានសមាគមសង្គហ:មន្ត្រីរាជការនៃអ.ព.ស. លោកអភិបាលរង លោកលោកស្រីសមាជិកក្រុមប្រឹក្សាស្រុក បានអញ្ជើញថ្វាយបង្គំព្រះគ្រូចៅអធិការវត្តស្បែង ឃុំវិហារលួង សំណេះសំណាលសួរសុខទុក្ខ និងប្រគេនបច្ច័យបួនមួយចំនួន ព្រមទាំង
ពិភាក្សាកិច្ចការមួយចំនួនសម្រាប់ពេលខាងមុខ។ បន្ទាប់មកលោកជំទាវ និងថ្នាក់ដឹកនាំអមដំណើរ បានអញ្ជើញចូលថ្វាយបង្គំព្រះគ្រូចៅអធិការ វត្តព្រះសុគន្ធមានបុណ្យ ឃុំផ្សារដែក សាកសួរសុខទុក្ខនិងប្រគេនបច្ច័យមួយចំនួនព្រមទាំងត្រួតពិនិត្យការងារជួសជុលកែលំអព្រះវិហារ។