នាព្រឹកថ្ងៃពុធ ១៤កើត ខែស្រាពណ៍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៤ ខែសីហា ឆ្នាំ២០១៩ នៅទីស្នាក់ការត្រួតពិនិត្យច្រកទ្វារព្រំដែនអន្តរជាតិអូរស្មាច់ ខេត្តឧត្តរមានជ័យ គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥) ដឹកនាំដោយលោកជំទាវ ទី បូរ៉ាស៊ី ប្រធានគណៈកម្មការ បានអញ្ជើញចុះជួបពិភាក្សាជាមួយនឹងអាជ្ញាធរក្រុងសំរោង ប្រធានច្រក ប្រធានប៉ុស្តិ៍នគរបាល និងមន្ត្រីជំនាញពាក់ព័ន្ធ នៃច្រកទ្វារព្រំដែនអន្តរជាតិអូរស្មាច់ ដើម្បីសិក្សាឈ្វេងយល់អំពីការអនុវត្តន៍ច្បាប់អន្តោប្រវេសន៍ និងការផ្សព្វផ្សាយព័ត៌មាន ព្រមទាំងការអនុវត្តការងារផ្សេងៗផងដែរ។