នារសៀលថ្ងៃទី២៥ ខែមីនា ឆ្នាំ២០២២ គណៈប្រតិភូគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃព្រឹទ្ធសភា(គណៈកម្មការទី៥) ដឹកនាំដោយលោកជំទាវ ទី បូរ៉ាស៊ី ប្រធានគណៈកម្មការ បានអញ្ជើញទស្សនកិច្ចសិក្សាស្វែងយល់អំពីដំណើការនៃការផលិតកែឆ្នៃគ្រាប់ស្វាយចន្ទី មជ្ឈមណ្ឌលបកគ្រាប់ស្វាយចន្ទី និងសិប្បកម្មកែច្នៃគ្រាប់ស្វាយចន្ទីជ័យសំបូរ ក្នុងគោលបំណងដើម្បីលើកកម្ពស់ផលិតផលរបស់កសិករក្នុងស្រុក និងបង្កើតឱកាសការងារដល់បងប្អូនប្រជាពលរដ្ឋក្នុងសហគមន៍ ជាពិសេសស្រ្តី និងបង្កើនចំណូលជូនប្រជាពលរដ្ឋ ព្រមទាំងជៀសវាងការធ្វើចំណាកស្រុកខុសច្បាប់ ស្ថិតនៅភូមិត្រពាំងអារក្ស ឃុំជ័យ ស្រុកកំពង់ស្វាយ ខេត្តកំពង់ធំ៕