នាព្រឹកថ្ងៃពុធ ៧កើត ខែស្រាពណ៍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី០៧ ខែសីហា ឆ្នាំ២០១៩ នៅសាលប្រជុំគណៈកម្មការទី៥ព្រឹទ្ធសភា គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥) បានបើកកិច្ចប្រជុំផ្ទៃក្នុង ក្រោមអធីបតីភាព លោកជំទាវ ទី បូរ៉ាស៊ី ប្រធានគណៈកម្មការ ក្នុងគោលបំណងដើម្បីពិនិត្យពិភាក្សាត្រៀមចុះបេសកកម្មសិក្សាឈ្វេងយល់អំពីការអនុវត្តន៍ច្បាប់អន្តោប្រវេសន៍ និងការផ្សព្វផ្សាយព័ត៌មាន នៅខេត្តកំពង់ធំ សៀមរាប ឧត្តរមានជ័យ និងខេត្តបន្ទាយមានជ័យ ចាប់ពីថ្ងៃទី១១ ដល់ថ្ងៃទី១៦ ខែសីហា ឆ្នាំ២០១៩ នាពេលខាងមុខនេះ។