នារសៀលថ្ងៃទី១២ ខែមីនា ឆ្នាំ២០២០ ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា បានអញ្ជើញជាអធិបតីភាពក្នុងពិធីធ្វើបង្ហាញស្តីពី កម្មវិធីគ្រប់គ្រងមតិយោបល់របស់សមាជិក សមាជិកាព្រឹទ្ធសភាលើសេចក្តីព្រាងច្បាប់ ឬសេចក្តីស្នើច្បាប់ និងសំណើសុំផ្តល់យោបល់លើសេចក្តីព្រាងច្បាប់ ឬសេចក្តីស្នើច្បាប់ តាមប្រព័ន្ធបច្ចេកវិទ្យាព័ត៌មាន ដែលឧទ្ទេសនាមដោយលោក អ៊ុ វិសាល ប្រធាននាយកដ្ឋានព័ត៌មានវិទ្យា នៃអគ្គលេខាធិការដ្ឋានព្រឹទ្ធសភា នៅសាលប្រជុំពិសេសវិមានព្រឹទ្ធសភា ដោយមានការចូលរួមពីឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា និងថ្នាក់ដឹកនាំនៃអគ្គនាយកដ្ឋានសេវាច្បាប់ និងសមូហភាពដែនដី នៃអគ្គលេខាធិការដ្ឋានព្រឹទ្ធសភា។
