ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងជាប្រធានក្រុមមិត្តភាពព្រឹទ្ធសភា បានបើកកិច្ចប្រជុំផ្ទៃក្នុងក្រុម
ថ្ងៃទី 4 ខែមេសា ឆ្នាំ2024
នាព្រឹកថ្ងៃព្រហស្បតិ៍ ១៥រោច ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៤ ខែមេសា ឆ្នាំ២០១៩ នៅសាលប្រជុំគណៈកម្មការទី២ព្រឹទ្ធសភា ក្រុមមិត្តភាពព្រឹទ្ធសភា ជាមួយនឹងសភាសហព័ន្ធវ៉ាឡូនី-ប្រ៊ុចសែល បានបើកកិច្ចប្រជុំផ្ទៃក្នុងក្រុម ក្រោមអធិបតីភាព ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងជាប្រធានក្រុមមិត្តភាពព្រឹទ្ធសភា ជាមួយនឹងសភាសហព័ន្ធវ់ាឡូនី-ប្រ៊ុចសែល ដើម្បីពិនិត្យ និងពិភាក្សាអំពីការត្រៀមទទួលគណៈប្រតិភូសភាសហព័ន្ធវ៉ាឡូនី-ប្រ៊ុចសែល ដឹកនាំដោយឯកឧត្តម ហ្វីលីព កូរ៉ាដ (PHILIPPE COURARD) ប្រធានសភាសហព័ន្ធវ៉ាឡូនី-ប្រ៊ុចសែល ដែលនឹងអញ្ជើញមកបំពេញទស្សនកិច្ចផ្លូវការនៅព្រះរាជាណាចក្រម្ពុជា ដែលប្រព្រឹត្តទៅនៅថ្ងៃទី០៧ ដល់ថ្ងៃទី១៣ ខែមេសា ឆ្នាំ២០១៩ នាពេលខាងមុខ។
