ឯកឧត្តម ហែម ខន បានអញ្ជើញជួបសំណេះសំណាលជាមួយថ្នាក់ដឹកនាំខេត្ត ស្រុក ឃុំ និងប្រជាពលរដ្ឋ រួមជាមួយមន្ត្រីរាជការចូលនិវត្តន៍ នៅក្នុងឃុំធម្មតាអរ ស្រុកសំរោងទង ខេត្តកំពង់ស្ពឺ
ថ្ងៃសុក្រ ទី22 ខែមេសា ឆ្នាំ2022
នាព្រឹកថ្ងៃទី២២ ខែមេសា ឆ្នាំ២០២២ ឯកឧត្តម ហែម ខន អនុប្រធានក្រុមសមាជិកព្រឹទ្ធសភាប្រចាំភូមិភាគទី៧ និងជាអនុប្រធានគណៈកម្មការទី១០ ព្រឹទ្ធសភា បានអញ្ជើញជួបសំណេះសំណាលជាមួយថ្នាក់ដឹកនាំខេត្ត ស្រុក ឃុំ និងប្រជាពលរដ្ឋ រួមជាមួយមន្ត្រីរាជការចូលនិវត្តន៍ នៅក្នុងឃុំធម្មតាអរ ស្រុកសំរោងទង ខេត្តកំពង់ស្ពឺ សរុបចំនួន១១៣នាក់។ ក្នុងឱកាសនោះដែរ ឯកឧត្តម បានធ្វើការពិនិត្យមើលផែនការនៃដំណើរការឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នាពេលខាងមុខ ព្រមទាំងបានឧបត្ថម្ភជូនដល់មន្ត្រីឃុំ ភូមិ និងនិវត្តន៍ជន សរុបចំនួន ១១៣នាក់ ដោយម្នាក់ៗទទួលបាន៖ ក្រម៉ា០១, សាប៊ូ០២ដុំ, នំប៉័ង០២ដើម, ត្រីខ០១កំប៉ុង, ទឹកសុទ្ឋ០១ដប និងថវិកា ១០,០០០រៀល សរុបជាថវិកាស្មើនឹង ២៥,៨០០រៀល (២៥,៨០០៛ x ១១៣នាក់ = ២,៩១៥,៤០០ រៀល) ឧបត្ថម្ភថវិកាជូនរដ្ឋបាលឃុំធម្មតាអរសម្រាប់បម្រើយុទ្ឋនាការបោះឆ្នោត ចំនួន ១,០០០,០០០ រៀល។ សរុបថវិការួមមានចំនួន ៣,៩១៥,៤០០ រៀល។
