ឯកឧត្ដម សួន លន់ បានចុះជួបសំណេះសំណាល និងសួរសុខទុក្ខលោកស្រីមេឃុំ ក្រុមប្រឹក្សាឃុំ ស្មៀនឃុំ ប្រធាននគរបាលប៉ុស្ដិ៍
ថ្ងៃអាទិត្យ ទី24 ខែមករា ឆ្នាំ2021
នាព្រឹកថ្ងៃទី២៤ ខែមករា ឆ្នាំ២០២១ ឯកឧត្ដម សួន លន់ អនុប្រធានក្រុមសមាជិកព្រឹទ្ធសភាប្រចាំភូមិភាគទី៤ និងជាសមាជិកគណៈកម្មការទី១០ ឯកឧត្ដម សត ណាឌី សមាជិកក្រុមសមាជិកព្រឹទ្ធសភាប្រចាំភូមិភាគទី៤ និងជាសមាជិកគណៈកម្មការទី៤ រួមដំណើរដោយលោកអភិបាលស្រុកវ៉ារិន បានចុះជួបសំណេះសំណាល និងសួរសុខទុក្ខលោកស្រីមេឃុំ ក្រុមប្រឹក្សាឃុំ ស្មៀនឃុំ ប្រធាននគរបាលប៉ុស្ដិ៍ ដើម្បីស្ដាប់របាយការណ៍ស្ដីពី (១) ការអនុវត្តគោលនយោបាយភូមិ-ឃុំមានសុវត្ថិភាព (២) ការផ្ដល់ប័ណ្ណសមធម៌ជូនជនក្រីក្រ និង(៣) វិធានការក្នុងការទប់ស្កាត់នូវជំងឺកូវីដ១៩ ស្ថិតនៅឃុំស្រែណូយ ស្រុកវ៉ារិន ខេត្តសៀមរាប ។ ក្នុងឱកាសនោះឯកឧត្ដមបានឧបត្ថម្ភដល់អង្គពិធីនូវ សារុង១០ និងថវិកា ៣០០,០០០រៀល ។
