នាព្រឹកថ្ងៃទី១៧ ខែធ្នូ ឆ្នាំ២០២០ ឯកឧត្តម ម៉ម ប៊ុននាង ប្រធានគណៈកម្មការទី១០ និងជាអ្នកនាំពាក្យព្រឹទ្ធសភា បានអញ្ជើញចុះទៅកាន់វត្តព្រះសុគន្ធមានបុណ្យ ដើម្បីពិនិត្យមើលការសាងសង់ដងទង់០១គូ និងសមិទ្ធផលនានា ក្រោមការឧបត្ថម្ភគាំទ្ររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ដែលនឹងសម្ពោធឆ្លងនាពេលខាងមុខ ស្ថិតនៅឃុំផ្សាដែក ស្រុកពញាឮ ខេត្តកណ្តាល។ សូមរំលឹកថា ដងទង់មួយគូខាងលើ ត្រូវបានសាងសង់ចាប់ពីថ្ងៃទី០២ ខែមីនា ឆ្នាំ២០២០ រហូតដល់ខែធ្នូ ឆ្នាំ២០២០ ដោយចំណាយអស់ថវិកាសរុបចំនួន២៤,០០០$ (ពីរម៉ឺនបួនពាន់ដុល្លារអាមេរិក) ។
