ឯកឧត្តម ម៉ម ប៊ុននាង និងលោកជំទាវ ធុល ឡារី បានអញ្ជើញទៅបុណ្យឆ្លងភ្ជុំបិណ្ឌ នៅវត្តចង្ក្រានតាព្រហ្មស្ទឹងមានជ័យ និងវត្តនន្ទមុនី
ថ្ងៃអាទិត្យ ទី20 ខែកញ្ញា ឆ្នាំ2020
ក្នុងថ្ងៃភ្ជុំបិណ្ឌ ថ្ងៃ១៥ រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៧ ខែកញ្ញា ឆ្នាំ២០២០នេះ ឯកឧត្តម ម៉ម ប៊ុននាង ប្រធានគណៈកម្មការទី១០ អ្នកនាំពាក្យព្រឹទ្ធសភា និងលោកជំទាវ ធុល ឡារី ព្រមជាមួយក្រុមគ្រួសារសាច់ញាតិ បាន អញ្ជើញចូលរួម ពិធី បុណ្យ ភ្ជុំបិណ្ឌ ជាមួយ ពុទ្ធបរិស័ទជិតឆ្ងាយ នៅវត្តចង្ក្រានតាព្រហ្មស្ទឹងមានជ័យ និងវត្តនន្ទមុនី ស្ថិតនៅក្នុងខណ្ឌ មានជ័យ រាជធានីភ្នំពេញ។
ក្នុងឱកាសនោះ ឯកឧត្តម និងលោកជំទាវ បាននាំយកនូវគ្រឿងសក្ការៈបូជា មានទៀន ធូប ផ្កាភ្ញី សម្រាប់បូជាចំពោះព្រះរតនត្រ័យ មានព្រះពុទ្ធ ព្រះធម៌ និងព្រះសង្ឃ និងបាន នាំយកនូវចតុបច្ច័យ បច្ច័យទេយ្យទាន គ្រឿង ឧបភោគ បរិភោគ ប្រគេនចំពោះព្រះសង្ឃ ព្រមទាំងរាប់បាត្រ បង្សុកូល វេរប្រគេនព្រះសង្ឃ ដើម្បីឧទ្ទិសកុសលផលបុណ្យ ជូនចំពោះបុព្វការីជនញាតិកាទាំង៧សន្តាន ដែល បានធ្វើមរណកាល។
