ឡាន់ ឆន លេខាធិការគណៈកម្មការទី១០ ព្រឹទ្ធសភា បានអញ្ជើញចូលរួមរំលែកទុក្ខជាមួយក្រុមគ្រួសារសពលោក ខេង ថៃ សមាជិកក្រុមប្រឹក្សាឃុំគង់ជ័យ
ថ្ងៃព្រហស្បតិ៍ ទី9 ខែមករា ឆ្នាំ2020
ឯកឧត្តម ឡាន់ ឆន និង ឯកឧត្តម ឆាយ វណ្ណា ចូលរួមរំលែកទុក្ខជាមួយក្រុមគ្រួសារសពលោក ខេង ថៃ
នារសៀលថ្ងៃអង្គារ ១៣ កើត ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៧ ខែមករា ឆ្នាំ២០២០ ឯកឧត្តម ឡាន់ ឆន លេខាធិការគណៈកម្មការទី១០ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី២ និងឯកឧត្ដម ឆាយ វណ្ណា លេខាធិការគណៈកម្មការទី៥ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញចូលរួមរំលែកទុក្ខជាមួយក្រុមគ្រួសារសពលោក ខេង ថៃ សមាជិកក្រុមប្រឹក្សាឃុំគង់ជ័យ និងបាននាំយកថវិកាក្រុមសមាជិកព្រឹទ្ធសភាប្រចាំភូមិភាគទី២ ចំនួន៥០០,០០០រៀលចូលបច្ច័យបុណ្យ ស្ថិតនៅភូមិសុក្រំជ្រុំ ឃុំគងជ័យ ស្រុកអូរាំងឱ ខេត្តត្បូងឃ្មុំ ។
