ឯកឧត្តម ម៉ម ប៊ុននាង ប្រធានគណៈកម្មការទី១០ ព្រឹទ្ធសភា​ បានអញ្ជើញគោរពវិញ្ញាណក្ខន្ធ និងចូលរួមរំលែកទុក្ខជាមួយនឹងក្រុមគ្រួសារសពឧបាសក តាក់ សាមួន មេឃុំស្រុកស្អាងភ្នំ

នារសៀលថ្ងៃចន្ទ ៣កើត ខែមិកសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១០ ខែធ្នូ ឆ្នាំ២០១៨ ឯកឧត្តម ម៉ម ប៊ុននាង ប្រធានគណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា (គណៈកម្មការទី១០) បានអញ្ជើញគោរពវិញ្ញាណក្ខន្ធ និងចូលរួមរំលែកទុក្ខជាមួយនឹងក្រុមគ្រួសារសពឧបាសក តាក់ សាមួន មេឃុំស្រុកស្អាងភ្នំ ព្រមទាំងបានចូលបច្ច័យបុណ្យចំនួន ៤,០០០,០០០រៀល នៅគេហដ្ឋានសព ស្ថិតក្នុងភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្តាល ។

---