ក្រៅពីជួបសំណេះសំណាល និងពិភាក្សាការងារជាមួយនឹងអាជ្ញាធរឃុំកំពង់ស្វាយ នៅថ្ងៃសៅរ៍ ១៥រោច ខែទុតិយាសាឍ ឆ្នាំច សំរឹទ្ធិស័ក ពស. ២៥៦២ ត្រូវនឹងថ្ងៃទី១១ ខែសីហា ឆ្នាំ២០១៨ ឯកឧត្តម ម៉ម ប៊ុននាង ប្រធានគណៈកម្មការទី១០ព្រឹទ្ធសភា បានអញ្ជើញចុះសួរសុខទុក្ខប្រជាពលរដ្ឋដែលទទួលរងគ្រោះបាក់ផ្ទះសម្បែង ដោយសារទឹកជំនន់ និងចុះពិនិត្យទីតាំងសម្រាប់ជួសជុលផ្លូវ០១ខ្សែ ដែលមានសភាពខូចទ្រុតទ្រោម មានទទឹង៤ម៉ែត្រ បណ្ដោយ៨០០ម៉ែត្រ នៅភូមិកំពង់ស្វាយ ស្ថិតក្នុងឃុំកំពង់ស្វាយ ស្រុកកៀនស្វាយ ខេត្តកណ្តាល។
