ឯកឧត្តម ម៉ម ប៊ុននាង ប្រធានគណៈកម្មការទី១០ព្រឹទ្ធសភា បានអញ្ជើញជាអធិបតីភាពក្នុងទិវាជាតិនៃការចងចាំ ២០ ឧសភា ២០១៨ នៅមជ្ឈមណ្ឌលឧក្រិដ្ឋកម្មសង់ទន្លេបាទី
ថ្ងៃច័ន្ទ ទី21 ខែឧសភា ឆ្នាំ2018
នាព្រឹកថ្ងៃអាទិត្យ ៦កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែឧសភា ឆ្នាំ២០១៨ ឯកឧត្តម ម៉ម ប៊ុននាង ប្រធានគណៈកម្មការទី១០ព្រឹទ្ធសភា បានអញ្ជើញជាអធិបតីភាពក្នុងទិវាជាតិនៃការចងចាំ ២០ ឧសភា ២០១៨ នៅមជ្ឈមណ្ឌលឧក្រិដ្ឋកម្មសង់ទន្លេបាទី ស្ថិតក្នុងឃុំទ្រា ស្រុកកណ្តាលស្ទឹង ខេត្តកណ្តាល ដោយមានការអញ្ជើញចូលរួមពីអាជ្ញាធរស្រុកកណ្តាលស្ទឹង យាយជី តាជី លោកគ្រូ អ្នកគ្រូ សិស្សានុសិស្ស និងប្រជាពលរដ្ឋជាច្រើនរូប។
ក្នុងឱកាសនោះ ឯកឧត្តម បានមានប្រសាសន៍ថា ទិវាជាតិនៃការចងចាំនេះធ្វើឡើងដើម្បីរំលឹក គោរពវិញ្ញាណក្ខន្ធ និងធ្វើបុណ្យឧទ្ទិសដល់ជនរងគ្រោះដែលបានស្លាប់ក្នុងរបបកម្ពុជាប្រជាធិបតេយ្យ ព្រមទាំងលើកតម្កើងការរំឭកដល់ជនរងគ្រោះ ការស្តារកិត្តិយស និងសេចក្តីថ្លៃថ្នូររបស់ជនរងគ្រោះ ប៉ះប៉ូវការឈឺចាប់ផ្លូវចិត្ត និងផ្នែកសង្គមដល់ជនរងគ្រោះ និងក្រុមគ្រួសារ ចូលរួមក្នុងការផ្សះផ្សារជាតិ និងជំរុញឲ្យមានសុខដុមនីយកម្ម ក្នុងសង្គមកម្ពុជា និងលើកកម្ពស់ការផ្សព្វផ្សាយ និងការយល់ដឹងអំពីអំពើឃោរឃៅ ដែលកើតមានក្នុងរបបកម្ពុជាប្រជាធិបតេយ្យនោះ ដើម្បីកុំឲ្យកើតមានសារជាថ្មី។
ឆ្លៀតក្នុងឱកាសនោះ ឯកឧត្តមក៏បានអំពាវនាវឲ្យប្រជាពលរដ្ឋនៅស្រុកកណ្តាលស្ទឹង ទៅបោះឆ្នោតជ្រើសតាំងតំណាងរាស្រ្ត នីតិកាលទី៦ នាថ្ងៃទី២៩ ខែកក្កដា ឆ្នាំ២០១៨ អោយបានគ្រប់ៗគ្នា ដើម្បីជ្រើសរើសអ្នកដឹកនាំប្រទេស ដែលគិតគូអំពីសុខទក្ខ និងនៅជាមួយប្រជាពលរដ្ឋគ្រប់ពេលវេលា។
ក្នុងឱកាសនោះ ឯកឧត្តមបាននិមន្តព្រះសង្ឃបង្សុកូលឧទិសកុលដល់វិញ្ញាក្ខន្ធជនរួមជាតិដែលបាត់បង់ជីវិតក្នុងរបបប្រល័យពូជសាសន៏ប៉ុលពត និងប្រគេនទេយ្យទានដល់ព្រះសង្ឃ ព្រមទាំងប្រគេនបច្ច័យ ៨លានរៀល ដើម្បីពង្រីកទីលាន និងក៏សាងចេតិយ ដែលចំណាយថវិកាសរុបចំនួន ១១,១២០,០០០ រៀល។
អត្ថបទពាក់ព័ន្ធ
