ឯកឧត្តម ម៉ម ប៊ុននាង បានអញ្ជើញជួបសំណេះសំណាល​ជាមួយនឹងប្រជាកាពារភូមិ និងក្រុមប្រឹក្សាឃុំ​ ចំនួន២៤នាក់ នៅស្ថិតក្នុង​ឃុំកំពង់ស្វាយ​ ស្រុកគៀនស្វាយ ខេត្តកណ្តាល

នាព្រឹកថ្ងៃសៅរ៍ ទី១៩ ខែឧសភា ឆ្នាំ២០១៨ ឯកឧត្តម ម៉ម ប៊ុននាង ប្រធានគណៈកម្មការទី១០ព្រឹទ្ធសភា បានអញ្ជើញជួបសំណេះសំណាលជាមួយនឹងប្រជាកាពារភូមិ និងក្រុមប្រឹក្សាឃុំ ចំនួន២៤នាក់ នៅស្ថិតក្នុងឃុំកំពង់ស្វាយ ស្រុកគៀនស្វាយ ខេត្តកណ្តាល។

ក្នុងឱកាសនោះ ឯកឧត្តមបានផ្តល់អនុសាសន៍ឲ្យប្រជាការពារភូមិ និងក្រុមប្រឹក្សាឃុំកំពង់ស្វាយ ត្រូវយកចិត្តទុក្ខដាក់ពង្រឹងសុវត្ថិភាព និងគុណភាពសេវាសាធារណៈជូនប្រជាពលរដ្ឋ អោយមានប្រសិទ្ធភាព និងទប់ស្កាត់បទល្មើសនានាទូទាំងឃុំកំពង់ស្វាយ ព្រមទាំងអំពាវនាវឲ្យប្រជាពលរដ្ឋនៅក្នុងឃុំទៅបោះឆ្នោតជ្រើសតាំងតំណាងរាស្រ្ត នីតិកាលទី៦ នាថ្ងៃទី២៩ ខែកក្កដា ឆ្នាំ២០១៨ អោយបានគ្រប់ៗគ្នា។
ក្នុងឱកាសនោះ ឯកឧត្តមបានប្រគល់វីទ្យុទាក់ទងដល់ប្រជាការពារភូមិចំនួន៤គ្រឿង ចែកថវិកាជូនក្រុមប្រឹក្សាឃុំ និងប្រគល់ថវិកាចំនួន៤,០០០,០០០រៀល ទៅនាយកសាលាវិទ្យាល័យសេរីដីដុះ ដើម្បីក៏សាងតារាបាល់បោះ សរុបចំនួន៦,១០០,០០០រៀល។

---