កិច្ចប្រជុំរវាងគណៈកម្មការទី១០ ព្រឹទ្ធសភា និងគណៈកម្មការទី១០ រដ្ឋសភា ស្តីពីការរៀបចំសិក្ខាសាលា “ការឈ្វេងយល់ពីច្បាប់ និងការអនុវត្តច្បាប់ ស្តីពីការប្រឆាំងអំពើពុករលួយ”

នារសៀលថ្ងៃទី២២ ខែមេសា ឆ្នាំ២០១៥  គណៈកម្មការអង្កេត បោសសម្អាត និងប្រឆាំងអំពើពុករលួយរដ្ឋសភា សហការជាមួយគណៈកម្មការអង្កេត បោសសម្អាត និងប្រឆាំងអំពើពុករលួយព្រឹទ្ធសភា បានបើកកិច្ចប្រជុំពិភាក្សាលើគម្រោងសហការរៀបចំសិក្ខាសាលារួមគ្នាស្តីពី “ការឈ្វេងយល់ពីច្បាប់ និងការអនុវត្តច្បាប់ ស្តីពីការប្រឆាំងអំពើពុករលួយ” ក្រោមអធិបតីភាព ឯកឧត្តម ហូរ វ៉ាន់ ប្រធានគណៈកម្មការទី១០ រដ្ឋសភា នៅសាលប្រជុំគណៈកម្មការទី១០ រដ្ឋសភា វិមានរដ្ឋសភា។ ក្រោយពីបានពិភាក្សារួចមក គណៈកម្មការបានឯកភាពរៀបចំសិក្ខាសាលា មានរយៈពេល ១ព្រឹក ថ្ងៃទី២៦ ខែឧសភា ឆ្នាំ២០១៥ ដែលមានសមាសភាពចូលរួមចំនួន ២៤២នាក់។

---