ឯកឧត្តម ម៉ម ប៊ុននាង ចុះស្វែងយល់ពីតម្រូវការរបស់ប្រជាពលរដ្ឋ នៅឃុំគោកត្រប់

ដោយមានការយកចិត្តទុកដាក់អំពីតម្រូវការចាំបាច់ និងភាពខ្វះខាត របស់បង ប្អូន ប្រជាពលរដ្ឋ នៅតាមមូលដ្ឋាន កាលពីព្រឹកថ្ងៃទី០៥ ខែតុលា ឆ្នាំ២០១៤ ឯកឧត្តម ម៉ម ប៊ុននាង អនុប្រធាន គណៈកម្មការទី១០ សមាជិកព្រឹទ្ធសភាប្រចាំភូមិភាគ៣ (ខេត្តកណ្តាល) និងជាអ្នកនាំពាក្យព្រឹទ្ធសភា បានអញ្ជើញចុះសាកសួរសុខទុក្ខ និង ស្វែងយល់អំពីតម្រូវការចាំបាច់ របស់បង ប្អូន ប្រជាពលរដ្ឋឃុំ គោកត្រប់ នៅវត្តកោកកាក ស្ថិតក្នុងភូមិគោកត្រប់ ឃុំគោកត្រប់ ស្រុកកណ្តាលស្ទឹង ខេត្តកណ្តាល។
មានប្រសាសន៍សំណេះសំណាលជាមួយនឹងប្រជាពលរដ្ឋឃុំគោកត្រប់ ឯកឧត្តម ម៉ម ប៊ុននាង បានមានប្រសាសន៍ថា ការចុះមកកាន់ឃុំគោកត្រប់នេះ គឺជាការបង្ខិតឱ្យកាន់តែ ជិតរវាងព្រឹទ្ធសភា និង ប្រជាពលរដ្ឋនៅតាមមូលដ្ឋាន និងស្វែងយល់អំពីតម្រូវការ និង ភាពខ្វះខាតចាំបាច់របស់ប្រជាពលរដ្ឋ។
ឯកឧត្តមបានណែនាំឱ្យអាជ្ញាធរឃុំគោកត្រប់ ត្រូវតែយកចិត្តទុកដាក់ក្នុងការផ្តល់ សេវា សាធារណៈ ការចេញលិខិតអត្រានុកូលដ្ឋាន និងសុខមាភាពសាធារណៈ ព្រមទាំងបង្កើ នការពង្រឹងភូមិ ឃុំមានសុវត្ថិ ភាពជូនប្រជាពលរដ្ឋ។

អត្ថបទ និងរូបភាព៖ជំនួយការ ឯ.ឧ ម៉ម ប៊ុនាង

---