ឯកឧត្ដម អន ស៊ុំ បានអញ្ជើញចុះជួបសំណេះសំណាល និងសួរសុខទុក្ខសមាជិក សមាជិកា ក្រុមប្រឹក្សាឃុំទាំង៨ ក្នុងស្រុកស្វាយចេក ខេត្តបន្ទាយមានជ័យ
ថ្ងៃទី 21 ខែតុសា ឆ្នាំ2024
ស្ថិតនៅស្នាក់ការសាលាស្រុកស្វាយចេក ខេត្តបន្ទាយមានជ័យ នាព្រឹកថ្ងៃចន្ទ ទី១៧ ខែតុលា ឆ្នាំ២០២២ ឯកឧត្ដម អន ស៊ុំ លេខាធិការគណៈកម្មការទី៤ និងឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្ដម ខេង ស៊ុម ប្រធានក្រុមប្រឹក្សាខេត្ត បានអញ្ជើញចុះជួបសំណេះសំណាល និងសួរសុខទុក្ខសមាជិក សមាជិកា ក្រុមប្រឹក្សាឃុំទាំង៨ ក្នុងស្រុកស្វាយចេក ខេត្តបន្ទាយមានជ័យ ព្រមទាំងស្តាប់របាយការណ៍ ស្តីពីស្ថានភាពទូទៅនៃការអភិវឌ្ឍមូលដ្ឋាន។ ក្រោយពីបានស្តាប់សេចក្តីរាយការណ៍របស់អាជ្ញាធររួចមក ឯកឧត្តម បានសម្តែងការកោតសរសើរ និងលើកទឹកចិត្តឱ្យបន្តការខិតខំក្នុងការបំពេញភារកិច្ចរបស់ខ្លួនទទួលបានលទ្ធផលល្អ លើការងារអភិវឌ្ឍមូលដ្ឋាន ការផ្តល់សេវាជូនប្រជាពលរដ្ឋ ការដោះស្រាយបានទាន់ពេលពីជំនន់ទឹកភ្លៀង និងត្រូវបំផុសប្រជាពលរដ្ឋឱ្យទៅពិនិត្យបញ្ជីឈ្មោះ និងការចុះឈ្មោះបោះឆ្នោត តាមការណែនាំរបស់គណៈកម្មការជាតិរៀបចំការបោះឆ្នោត ដែលនឹងចាប់ផ្តើមពីថ្ងៃទី២០ ខែតុលា ឆ្នាំ២០២២ រហូតដល់ថ្ងៃទី០៨ ខែធ្នូ ឆ្នាំ២០២២ ត្រូវរៀបចំកសាង និងត្រួតពិនិត្យផែនការរួមឆ្ពោះទៅកាន់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ខាងមុខ។
