នាព្រឹកថ្ងៃព្រហស្បត្តិ៍ ទី៤ ខែកុម្ភៈ ឆ្នាំ ២០២១ ឯកឧត្តម អន ស៊ុំ លេខាធិការគណៈកម្មការទី៤ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោក រ័ត្ន ដាសុីណង់ អភិបាលស្រុក មង្គលបូរី បានអញ្ជើញជួបសំណេះសំណាលសាកសួរសុខទុក្ខបងប្អូនពលករ ចំនួន៦៤នាក់ ស្រី៣៥ នាក់ ដែលបានចាកចេញពីមណ្ឌលចត្តាឡីស័ក មង្គលបូរី ខេត្តបន្ទាយមាជ័យ ជាមួយនេះ ឯកឧត្តមក៏បានផ្ដាំផ្ញើត្រូវបន្ត យកចិត្តទុកដាក់តាមសេចក្ដីណែនាំរបស់ក្រសួងសុខាភិបាល លើការប្រយុទ្ធប្រឆាំងនឹងជំងឺកូវិដ-១៩ ផងដែរ។
