នាព្រឹកថ្ងៃអង្គារ៍ ២រោច ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១០ ខែមីនា ឆ្នាំ២០២០ ឯកឧត្ដម មួង ប៉យ សមាជិកគណៈកម្មការទី៤ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី៨ ព្រមទាំងលោកជំទាវ បានអញ្ជើញចូលរួមពិធីបុណ្យសព លោកវរសេនីយ៍ត្រី ស្រាយ ស ជានាយកផ្នែកប្រឆាំងបាតកម្ម និងកូតកម្ម នៃស្នងការដ្ឋាននគរបាលខេត្ដរតនគិរី ដែលបានទទួលមរណៈភាពដោយគ្រោះថ្នាក់ចរាចរណ៍កាលពីយប់ថ្ងៃអាទិត្យថ្ងៃទី០៨ ខែមីនា ឆ្នាំ២០២០ វេលាម៉ោង ៩:០០នាទី ទន្ទឹមនឹងនោះឯកឧត្តម និងលោកជំទាវ បានចូលរួមបច្ច័យបុណ្យមួយចំនួនផងដែរ ស្ថិតនៅភូមិអូរកន្តិល សង្កាត់បឹងកន្សែង ក្រុងបានលុង ខេត្ដរតនគិរី ។
