នាព្រឹកថ្ងៃទី២៧ ខែកុម្ភៈ ឆ្នាំ២០២០ ឯកឧត្តម ប៉ុល លឹម ប្រធានក្រុមសមាជិកព្រឹទ្ធសភាប្រចាំភូមិភាគទី៤ និងជាអនុប្រធានគណៈកម្មការទី៤ព្រឹទ្ធសភា បានអញ្ជើញជួបសំណេះសំណាលជាមួយក្រុមប្រឹក្សាឃុំ ស្រុកគាស់ក្រឡ ព្រមទាំងដឹកនាំក្រុមគ្រូពេទ្យស្ម័គ្រចិត្តរបស់អង្គការសុខភាព និងអភិវឌ្ឍន៍កម្ពុជា ចុះជួយពិនិត្យព្យាបាលជម្ងឺទូទៅដោយមិនយកកម្រៃ និងអប់រំសុខភាព ព្រមទាំងចែកវ៉ែនតា ជូនប្រជាពលរដ្ឋរស់នៅស្រុកគាស់ក្រឡ ខេត្តបាត់ដំបង ដោយមានការអញ្ជើញចូលរួមពីថ្នាក់ដឹកនាំអគ្គលេខាធិការដ្ឋានព្រឹទ្ធសភា ប្រធានក្រុមប្រឹក្សាស្រុក អភិបាល នៃគណៈអភិបាលស្រុកគាស់ក្រឡ ក្រុមប្រឹក្សាឃុំ ក្រុមគ្រូពេទ្យស្ម័គ្រចិត្តរបស់អង្គការសុខភាព និងអភិវឌ្ឍន៍កម្ពុជា សិស្សានុសិស្ស និងប្រជាពលរដ្ឋ នៅស្រុកគាស់ក្រឡ ខេត្តបាត់ដំបង៕
