នារសៀលថ្ងៃអង្គារ ១៣កើត ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៧ ខែមករា ឆ្នាំ២០២០ វេលាម៉ោង ១៦:០០នាទី ឯកឧត្តម មួង ប៉យ សមាជិកគណៈកម្មការទី៤ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី៨ រួមជាមួយសមាជិកក្រុមប្រឹក្សាខេត្តរតនគិរី លោកអភិបាលក្រុងបានលុង បានអញ្ជើញនាំយកថវិការបស់សម្តេចវិបុលសេនាភ្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា ជូនគ្រួសារសពរងគ្រោះរលំបាក់អាគារនៅខេត្តកែប នៅភូមិ៣ សង្កាត់កាចាញ ក្រុងបានលុង ខេត្តរតនគិរីចំនួន ៣នាក់ ថវិកាចំនួន៣,០០០,០០០រៀល និងបានចូលរួមរំលែកទុក្ខក្នុងពិធីបុណ្យសពផងដែរ ។
