ថ្ងៃចន្ទ ០២រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២០ ខែឧសភា ឆ្នាំ២០១៩ នៅខេត្តសៀមរាប ឯកឧត្តម សត ណាឌី សមាជិកគណៈកម្មការទី៤ ព្រឹទ្ធសភា បានអញ្ជើញចូលរួមជាកិត្តិយសក្នុងទិវាជាតិនៃការចងចាំ ២០ ឧសភា ដែលរំលឹកដល់ជនរងគ្រោះ និងការឈឺចាប់ពីឧក្រិដ្ឋកម្ម ដែលបានកើតឡើងក្នុងរបបប្រល័យពូជសាសន៍ប៉ុលពត (១៧ មេសា ១៩៧៥ -៧ មករា ១៩៧៩) ទិវាជាតិនៃការចងចាំ បង្កើតឡើងដើម្បីរំលឹក និងគោរពវិញ្ញាណក្ខន្ធ និងធ្វើបុណ្យឧទ្ទិសកុសលដល់ជនរងគ្រោះដែលបានស្លាប់ក្នុងរបបប៉ុលពតដ៏ឃោរឃៅ ។ ពិធីនេះមានការអញ្ជើញចូលរួមសរុប ចំនួន ២០០០នាក់ ស្ថិតនៅវត្តពោធិវង្ស ក្រុងសៀមរាប ខេត្តសៀមរាប ។
