នាព្រឹកថ្ងៃព្រហស្បត្តិ៍ ៥រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៦ ខែសីហា ឆ្នាំ២០១៨ ឯកឧត្តម អន ស៊ុ លេខាធិការគណៈកម្មការទី៤ ព្រឹទ្ធសភា បានអញ្ជើញចូលរួមជាកិត្តិយសក្នុងពិធីជួបសំណេះសំណាល ជាមួយប្រជាពលរដ្ឋម្ចាស់ស្រែ ដែលរងការជន់លិចដោយជំនន់ទឹកភ្លៀង ជិត២០០០ហិកតា កាលពីចុងខែកក្កដាកន្លងទៅ ក្នុងស្រុកមង្គលបូរី មកពី៣ឃុំ មានឃុំរហាត់ទឹក ឃុំចំណោម និងឃុំបត់ត្រង់ ព្រមទាំងបាននាំយកគ្រឿងឧបភោគ បរិភោគ ចែកជូនដល់ម្ចាស់ស្រែ នឹងកងកម្លាំងដែលបានចុះជួយច្រូតស្រូវប្រជាពលរដ្ឋផងដែរ ក្រោមអធិបតីភាពឯកឧត្ត ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដោយកម្មវិធីនេះប្រព្រឹត្តទៅ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ៕
