កាលពីថ្ងៃទី១៨ ខែកក្កដា ឆ្នាំ២០១៣ នៅភូមិពៃ្រប្ញស្សី ឃុំជាំសង្កែ ឯកឧត្តម ឡាយ អ៊ី-​ពិ​សិទ្ធ អនុប្រធានគណៈកម្មការទី៤ និងជាសមាជិកព្រឹទ្ធសភាប្រចាំភូមិភាគទី៧ បានជួប​សំ​ណេះសំណាលជាមួយប្រជាពលរដ្ឋចំនួន ២១៥នាក់ ។

មានប្រសាសន៍សំណេះសំណាលនាឱកាសនោះ ឯកឧត្តម ​បានពាំនាំ​នូវ​ការផ្តាំផ្ញើសួរ​សុខ​​ទុក្ខពីសំណាក់ សម្តេចប្រធានព្រឹទ្ធសភា សម្តេចប្រធានរដ្ឋសភា និង​សម្តេច​​នាយករដ្ឋ​មន្ត្រី​ នៃព្រះរាជាណាចក្រកម្ពុជា ជូនដល់ប្រជាពលរដ្ឋទាំងអស់ ។ បន្ទាប់មក ឯក​ឧត្ត​ម ក៏បាន​ជម្រា​ប ​ដល់អង្គពិធីអំពីសមិទ្ធផលសំខាន់ៗ និងការរីចម្រើនគ្រប់វិស័យរបស់​ប្រទេស​ជាតិ  ដែលកើត​ ចេញពីការដឹកនាំប្រកបដោយគតិបណ្ឌិតរបស់សម្តេចទាំងបី ។
មុននឹងបញ្ចប់ ឯកឧត្តម បានផ្តាំផ្ញើដល់ប្រជាពលរដ្ឋទាំងអស់ ឲ្យពិនិត្យមើលឡើងវិញ​ នូវឯកសារសម្រាប់យកទៅបោះឆ្នោត និងចូលរួមបោះឆ្នោតឲ្យបានគ្រប់គ្នា នៅថ្ងៃទី២៨ ខែកក្កដា ឆ្នាំ២០១៣ ខាងមុខនេះ ។