កាលពីថ្ងៃទី៨ ខែមេសា ឆ្នាំ២០១៣  គណៈប្រតិភូគណៈកម្មការទី៤ព្រឹទ្ធសភា ដឹកនាំដោយឯកឧត្តម ប៊ូ ថង ប្រធានគណៈកម្មការ បានអញ្ជើញជួបសវនាការ និងសម្តែងការគួរសម ជា​មួយ​នឹងឯកឧត្តម ហា បាន អភិបាល​ខេត្ត​កនទុមប្រទេសវៀតណាម ។

ឯកឧត្តម ប៊ូ ថង ប្រធានគណៈកម្មការទី៤ព្រឹទ្ធសភាក៏បានមានប្រសាសន៍ថា តំបន់​ត្រីកោណកន្ទុយនាគអភិវឌ្ឍន៍​ កម្ពុជា វៀតណាម ឡាវ ក៏ជាចំណុចស្នួយមួយយ៉ាង​សំខាន់ដែល​ប្រទេសកម្ពុជា បាននឹងកំពុងយកចិត្តទុកដាក់ ធ្វើការអភុវឌ្ឍ និងអនុវត្តឲ្យបានគ្រប់ជ្រងជ្រោយ​នូវ​កិច្ចព្រមព្រៀងទ្វេភាគី និងពហុភាគី ជាពិសេសគឺសេចក្តីថ្លៃង ការណ៍រួម ដែលបានសម្រេច​ក្នុង​កិច្ចប្រជុំកំពូលកម្ពុជា វៀតណាម ឡាវលើកទី៧នៅទីក្រុងវៀងច័ន្ទ ប្រទេស ឡាវ។ ហើយ​កិច្ចអភិវឌ្ឍន៍នេះសម្រេចបានគឺអាស្រ័យដោយកិច្ចសហប្រតិបត្តិការប្រកបដោយប្រសិទ្ធភាព និង​គុណភាព ទាំងផ្នែកនយោបាយ និងបច្ចេកទេស ពីសំណាក់រដ្ឋាភិបាលនៃប្រទេសទាំងបី។