គណៈប្រតិភូ គណៈកម្មការទី៤ព្រឹទ្ធសភា ជួបសវនាការជាមួយនឹងក្រសួងការពារជាតិ
ថ្ងៃទី 3 ខែតុសា ឆ្នាំ2024
កាលពីថ្ងៃទី២៦ ខែកញ្ញា ឆ្នាំ២០១២ គណៈប្រតិភូគណៈកម្មការ មហាផ្ទៃ ការពារជាតិ ទំនាក់ទំនងរដ្ឋសភា ព្រឹទ្ធសភា អធិការកិច្ច និងមុខងារសាធារណៈ ហៅកាត់គណៈកម្មការទី៤ ព្រឹទ្ធសភា ដឹកនាំដោយឯកឧត្តម ប៊ូ ថង ប្រធាន គណៈកម្មការ បានអញ្ជើញជួបធ្វើសវនាការជា មួយនឹងឯកឧត្តមនាយឧត្តមសេនីយ៍ ចាយ សាំងយុន រដ្ឋលេខាធិការ ក្រសួងការពារជាតិ នៅក្រសួងការពារជាតិ ។
ឯកឧត្តម ប៊ូ ថង ប្រធានគណៈកម្មការទី៤ព្រឹទ្ធសភា បានមានប្រសាសន៍ថា គោលបំណង នែជំនួប សវនាការនេះ គឺ ដើម្បីស្វែងយល់អំពីសកម្មភាពការងាររបស់ក្រសួងនាពេលកន្លងមក និងទិស ដៅការងារនាពេលខាងមុខ និងដើម្បី ពង្រឹងពង្រីកកិច្ចសហប្រតិបត្តិការការងារជាមួយនឹងក្រសួងការ- ពារជាតិ ឲ្យកាន់តែជិតស្និទ្ធថែមទៀត។
ឯកឧត្តមបានបន្តថា ព្រឹទ្ធសភាជាស្ថាប័ននីតិប្បញ្ញត្តិនែព្រះរាជាណាចក្រកម្ពុជា ដែលមានភារកិច្ចសម្រិតសម្រាំងច្បាប់ និងធ្វើការសប្រមសម្រួលការងារ រវាងរដ្ឋសភា និង រាជរដ្ឋាភិបាល ហើយ ព្រឹទ្ធសភាមានមុខងារសំខាន់ៗចំនួនបី ទី១មុខងារនីតិកម្ម ទី២មុខងារតំណាង និងទី៣មុខងារត្រួត ពិនិត្យ។ ការជួបសវនាការការងារនាឱកាសនេះ គឺជា មូលដ្ឋាន ដ៏មានសារៈសំខាន់បំផុត សម្រាប់ គណៈកម្មការទី៤ ក្នុងការរៀបចំកសាងផែនការការងារ និងធ្វើសកម្មភាពឲ្យបាន សមស្រប តាមតួនាទីភារកិច្ច និងសមត្ថកិច្ចរបស់ខ្លួន ព្រមទាំងស្របនឹងសកម្មភាពការងាររបស់ក្រសួងស្ថាប័នតាម វិស័យរបស់គណៈកម្មការ។
ជាមួយគ្នានោះដែរឯកឧត្តមប្រធាន គណៈកម្មការទី៤ព្រឹទ្ធសភា ក៏បានស្នើដល់ឯកឧត្តមនាយឧត្តមសេនីយ៍រដ្ឋលេខាធិការក្រសួងការពារជាតិ ឲ្យមានការគាំទ្រ និងផ្តល់នូវ របាយ-
ការណ៍ការងារ ដើម្បីពង្រឹងកិច្ចសហប្រតិបត្តិការឲ្យកាន់តែមានភាពឆាប់រហ័ស និងល្អប្រសើរ ឡើង ថែមទៀត។
ឯកឧត្តមនាយឧត្តមសេនីយ៍ ចាយ សាំងយុន រដ្ឋលេខាធិការក្រសួងការពារជាតិ បានធ្វើសេចក្តី រាយការណ៍ សង្ខេប អំពីការងារទូទៅរបស់ក្រសួងការពារជាតិ ទៅលើសន្តិសុខ សណ្តាប់ធ្នាប់សាធារណៈ និងការកសាង ហេដ្ឋារចនា សម្ព័ន្ធបានសម្រេចជាច្រើនទៅលើគ្រប់វិស័យ ដែលក្រសួងការពារជាតិបានខិតខំប្រឹងប្រែងបានសម្រេច នាពេល កន្លងមក ។
អត្ថបទពាក់ព័ន្ធ
