នារសៀលថ្ងៃទី១៨ ខែកុម្ភៈ ឆ្នាំ ២០២២ លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និង ជាអនុប្រធាន សមាគម នារី កម្ពុជា ដេីម្បី សន្តិភាព និង អភិវឌ្ឍន៍ តំណាងដ៏ខ្ពង់ខ្ពស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ប្រធាន សមាគម នារី កម្ពុជា ដេីម្បី សន្តិភាព និង អភិវឌ្ឍន៍ បានញ្ជេីញជាអធិបតីក្នុងពិធីប្រកាសកែសម្រួល និងបំពេញបន្ថែមសមាសភាពគណៈកម្មការ សាខាសមាគមនារី កម្ពុជា ដើម្បី សន្តិភាព និង អភិវឌ្ឍន៍ ខេត្ត កែប នៅសាលា ខេត្ត កែប។
ពិធីនេះ ក៏មានការអញ្ចើញចូលរួមពីលោកជំទាវ ឯកឧត្តម លោក លោកស្រី និងនាងកញ្ញា ជាសមាជិកា សមាជិកព្រឹទ្ធសភា រដ្ឋសភា អភិបាលនៃគណៈអភិបាលខេត្ត ថ្នាក់ដឹកនាំ និងមន្ត្រីពាក់ព័ន្ធជុំវិញខេត្តកែបជាច្រើនរូបផងដែរ។
