នាព្រឹកថ្ងៃទី២៤ ខែសីហា ឆ្នាំ២០២១ ឯកឧត្តម ទេព យុទ្ធី សមាជិកគណៈកម្មការទី៨ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ រួមជាមួយគណៈអភិបាលស្រុក និងមន្ត្រីរាជការនៃរដ្ឋបាលស្រុកដំណាក់ចង្អើរ ខេត្តកែប បានអញ្ជើញចុះជួបសំណេះសំណាលសួរសុខទុក្ខ និង នាំយកអំណោយរួមមាន ទឹកបរិសុទ្ធ ទឹកផ្លែឈើ ទឹកត្រចៀកកាំ ទឹកគោឆៅ មី ម៉ាស់ អាល់កុល និងថវិកាមួយចំនួន ទៅឧបត្ថម្ភជូនលោកស្រី ស៊ន សុធី សមាជិកាក្រុមប្រឹក្សាស្រុក និងក្រុមគ្រួសារ ( ប្ដី និងកូន ) ដែលមានវិជ្ជមានកូវីដ-១៩ កំពុងសម្រាកព្យាបាលនៅមណ្ឌលព្យាបាលវិទ្យាល័យ ហ៊ុន សែន ចរិយាវង្ស ស្ថិតនៅក្នុងភូមិដំណាក់ចំបក់ សង្កាត់អូរក្រសារ ក្រុងកែប ខេត្តកែប ។
