នាព្រឹកថ្ងៃសៅរ៍ ៥កើត ខែស្រាពណ៌ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែកក្កដា ឆ្នាំ២០២០ លោកជំទាវ មុំ សណ្តាប់ លេខាធិការគណៈកម្មការទី៨ ព្រឹទ្ធសភា បានអញ្ជើញចុះជួបសំណេះសំណាលជាមួយសមាជិក សមាជិកាក្រុមប្រឹក្សាសង្កាត់ផ្សារដើមថ្កូវ នៅសាលាសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
ពិធីនេះ ប្រព្រឹត្តទៅក្រោមអធិបតីភាពរបស់ ឯកឧត្តមបណ្ឌិត អុិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមការងារថ្នាក់ជាតិចុះជួយមូលដ្ឋានខណ្ឌចំការមន និងដោយមានការចូលរួមពីឯកឧត្តម លោកជំទាវ ជាក្រុមការងារថ្នាក់ជាតិចុះជួយមូលដ្ឋានខណ្ឌចំការមន ឯកឧត្តម លោកជំទាវ ជាក្រុមការងារថ្នាក់ជាតិចុះជួយមូលដ្ឋានសង្កាត់ផ្សារដើមថ្កូវ លោកប្រធានក្រុមប្រឹក្សាខណ្ឌ លោកអភិបាលខណ្ឌ សមាជិកក្រុមប្រឹក្សាខណ្ឌ និងលោក-លោកស្រីប្រធានភូមិទាំង៥ ផងដែរ៕
