នាថ្ងៃអង្គារ ១៥កើត ខែចេត្រ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៧ ខែមេសា ឆ្នាំ២០២០ ឯកឧត្តម ទេព យុទ្ធី សមាជិកគណៈកម្មការទី៨ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ រួមនឹងឯកឧត្តម កែន សត្ថា អភិបាលនៃគណៈអភិបាលខេត្តកែប បានអញ្ជើញនាំយកអង្ករទៅឧបត្ថម្ភជូនរដ្ឋបាលក្រុង-ស្រុក និងរដ្ឋបាលឃុំ-សង្កាត់ទាំងប្រាំ នៅក្នុងខេត្តកែប សម្រាប់ចែកជូនប្រជាពលរដ្ឋខ្វះខាតស្បៀង និងជួបការលំបាកនៅតាមមូលដ្ឋាន។ បន្ទាប់មក ឯកឧត្តម បានបន្តចូលរួមជាមួយគណៈកម្មធិការសាខាកាកបាទក្រហមខេត្តកែប អញ្ជើញសំណេះសំណាល ព្រមទាំងចែកម៉ាស់ សាប៊ូ និងអាល់កុល ជូនដល់ប្រជាពលរដ្ឋនៅវិហារស្បូវ ស្ថិតនៅក្នុងភូមិថ្មី សង្កាត់ព្រៃធំ ក្រុងកែប ខេត្តកែប ។
