នាថ្ងៃសៅរ៍ ទី១២ ខែតុលា ឆ្នាំ២០១៩ ឯកឧត្តម ប្រាក់ ចំរើន អនុប្រធានគណៈកម្មការទី៨ព្រឹទ្ធសភា បានអញ្ជើញសួរសុខទុក្ខប្រជាពលរដ្ឋ ក្នុងភូមិក្តាន់រយ និងភូមិដំណាក់អំពិល សរុបចំនួន១៣៥នាក់ និងប្រជាពលរដ្ឋដែលរងការលិចទឹក នៅភូមិថ្នល់ទទឹង ខេត្តកណ្តាល ។ នាឱកាសនោះដែរ ដើម្បីឆ្លើយតបទៅនឹងសំណូមពររបស់ប្រជាពលរដ្ឋ ឯកឧត្តម បានឧត្ថម្ភថវិកាផ្ទាល់ខ្លួនសម្រាប់ធ្វើផ្លូវបេតុងមួយខ្សែមានប្រវែង២០០ម៉ែត្រ និងទទឹង៥ម៉ែត្រ, បានចូលបច្ច័យចំនួន៥០០ដុល្លារ ដើម្បីកសាងសាលាឆទាន នៅក្នុងវត្តដំណាក់អំពិល, ផ្តល់ថវិកាជូនភូមិ ចំនួន១០ភូមិ សម្រាប់រៀបចំកម្មវិធីអបអរសាទរ៩វិច្ឆិកា ដោយក្នុងមួយភូមិទទួលបានថវិកា ចំនួន២០០,០០០រៀល ព្រមទាំងឧបត្ថម្ភដល់ភូមិនីមួយៗនូវឧបករណ៍ បំពងសំលេង(ធុងបាស) មួយឈុតផងដែរ ។ ឆ្លៀតពេលនោះដែរ ឯកឧត្តមបានទៅពិនិត្យមើលទីតាំង ដើម្បីធ្វើប៉ុស្តិ៍រដ្ឋបាលឃុំដំណាក់អំពិល។ (អត្ថបទ និងរូបភាព៖គណៈកម្មការទី៨)
