នារសៀលថ្ងៃសៅរ៍ ០១រោច ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ១៤ ខែកញ្ញា ឆ្នាំ២០១៩ លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និងជាអនុប្រធានសមាគមនារីកម្ពុជា ដេីម្បីសន្តិភាព និងអភិវឌ្ឍន៍ (CWPD) បានអញ្ជើញជាអធិបតីភាពក្នុងកម្មវិធីប្រកាសសេចក្តីសម្រេចកែសម្រួលសមាសភាពគណៈកម្មការសាខាសាខាសមាគមនារីកម្ពុជា ដេីម្បីសន្តិភាព និងអភិវឌ្ឍន៍ និងគណៈចលនាស្ត្រី នៃគណៈចលនាមហាជនគណបក្សខេត្ត សៀមរាប នៅក្រុងសៀមរាប ខេត្តសៀមរាប ។ ក្នុងពិធីនោះដែរ ក៏មានការអញ្ជើញចូលពីឯកឧត្តម អុឹង ហឿន ប្រធានក្រុមប្រឹក្សាខេត្ត និងឯកឧត្តម ទៀ សីហា អភិបាល នៃគណៈអភិបាលខេត្ត និងលោកជំទាវ ព្រមទាំងថ្នាក់ដឹកនាំមន្ទីរវិស័យជំនាញខេត្ត និងមន្ត្រីរាជការជុំវិញខេត្តផងដែរ ៕
