នាព្រឹកថ្ងៃទី១៨ ខែវិច្ឆិកា ឆ្នាំ២០១៦ នៅសាលប្រជុំគណៈកម្មការទី៨ ព្រឹទ្ធសភា គណៈ កម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃ ព្រឹទ្ធសភា (គណៈកម្មការទី៨ព្រឹទ្ធសភា) ដឹកនាំដោយលោកជំទាវ មាន សំអាន ប្រធានគណៈកម្មការ បានបើកកិច្ចប្រជុំពិនិត្យ និងឆ្លងផែនការ សកម្មភាពការងារ របស់គណៈកម្មការប្រចាំឆ្នាំ២០១៧ និងពិនិត្យ ពិភាក្សាត្រៀមចុះបេសកកម្ម នាថ្ងៃទី២៨ ខែ វិច្ឆិកា ដល់ថ្ងៃទី០២ ខែធ្នូ ឆ្នាំ២០១៦ នៅខេត្តប៉ៃលិន និងខេត្តសៀមរាប៕