នាព្រឹកថ្ងៃទី២១ ខែកញ្ញា ឆ្នាំ២០១៦ ត្រូវនឹងថ្ងៃទី០៥រោច ខែភទ្របទ ឆ្នាំវក អដ្ឋស័ក ព.ស ២៥៦០ លោកជំទាវ មាន សំអាន ប្រធានគណ:កម្មការទី៨ ព្រឹទ្ធសភា និងក្រុមគ្រួសារ បានអញ្ជើញចូលរួមក្នុងពិធិដាក់បិណ្ឌវេនទី៥ នៅវត្តសិរីមង្គល (ហៅវត្តអំពិលក្រៅ) នៅភូមិអំពិលក្រៅ ឃុំអំពិលក្រៅ ស្រុកសុីធរកណ្តាល ខេត្តព្រៃវែង។ នៅក្នុងឱកាសអញ្ជើញទៅដាក់បិណ្ឌនេះ លោកជំទាវ បាននាំយកចង្ហាន់ និងទេយ្យទានមួយចំនួនទៀត ទៅប្រគេនព្រះសង្ឃ ដើម្បីឧទ្ទិសទៅដល់ វិញ្ញាណក្ខន្ធជីដូនជីតា និងបុព្វការីជន ដែលបានចែកឋាន ទៅតាមប្រពៃណីសាសនាខ្មែរ៕
