នាព្រឹកថ្ងៃទី៣១ ខែតុលា ឆ្នាំ២០១៣ នៅរោងចក្រចំការកៅស៊ូក្រែក គណៈប្រតិភូគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី ហៅគណៈកម្មការទី៨ ព្រឹទ្ធសភា ដឹកនាំដោយលោកជំទាវ មាន សំអាន ប្រធានគណៈកម្មការ បានចុះជួបសំណេះសំណាល និង សាកសួរសុខទុក្ខក្រុមប្រឹក្សាឃុំ និងប្រជាពលរដ្ឋជាកម្មករកម្មការីនីរោងចក្រចំការកៅស៊ូក្រែកចំនួន៥០នាក់។ ឆ្លៀតក្នុងឱកាសនោះគណៈប្រតិភូគណៈកម្មការទី៨ ព្រឹទ្ធសភា ក៏បាននាំយកអំណោយ មួយចំនួនសម្រាប់ចែក ជូនដល់កម្មករ កម្មការីនីចំនួន៥០នាក់ ដោយក្នុងម្នាក់ៗទទួលបាន មី០១កេស ត្រីខ១ឡូ និងថវិកាចំនួន១០.០០០រៀលដោយឡែក ក្រុមប្រឹក្សាឃុំក្នុងម្នាក់ៗទទួលបានថវិកាចំនួន៥០.០០០រៀលផងដែរ៕

អត្ថបទ និងរូបភាព ៖នាយកដ្ឋានព័ត៌មាន