នារសៀលថ្ងៃទី២៨​ ​ខែសីហា ឆ្នាំ២០១៣ នៅសាលប្រជុំពិសេស វិមានព្រឹទ្ធ​សភា លោកជំទាវ មាន សំអាន ប្រធាន គណៈកម្មការទី៨ព្រឹទ្ធសភា និងជាប្រធានក្រុម​សមា​ជិក​ព្រឹទ្ធសភាប្រចាំភូមិភាគទី៦ បានអញ្ជើញជាអធិបតីភាព​ក្នុងកិច្ច ប្រជុំពិនិត្យ​ពិភាក្សា​លើ​គម្រោងចុះសិក្សាស្រាវជ្រាវប្រមូលព័ត៌មានសម្រាប់ត្រៀមរៀបចំវេទិកា​ស្តីពី ព្រឹទ្ធសភា និងការលើក​កម្ពស់​ការ​អនុវត្ត​គោល​នយោបាយវិមជ្ឈការ វិសហមជ្ឈការ និង​យេនឌ័រ នៅខេត្ត​ស្វាយ​រៀង ដែលប្រព្រឹត្តទៅនាថ្ងៃទី១៤-១៥ ខែវិច្ឆិកា ឆ្នាំ២០១៣ ដោយមានការ​អញ្ជើញ​ចូលរួម​ពី​ឯកឧត្តម ​លោកជំទាវជាសមាជិកក្រុមសមាជិក​ព្រឹទ្ធ​សភាប្រចាំភូមិ​ភាគ​ទី៦ និងមន្រ្តី​ជំនាញ​នៃនាយកដ្ឋានភូមិភាគ និងសមូហភាពដែនដី។

សូមបញ្ជាក់ថា  ​គម្រោងចុះសិក្សាស្រាវជ្រាវប្រមូលព័ត៌មានសម្រាប់ត្រៀមរៀបចំ​វេទិកា​ស្តីពី ព្រឹទ្ធសភា និងការលើក​កម្ពស់​ការ​អនុវត្ត​គោល​នយោបាយវិមជ្ឈការ វិសហ​មជ្ឈការ និង​យេនឌ័រ នៅខេត្ត​ស្វាយ​រៀង ដែលប្រព្រឹត្តទៅនាថ្ងៃទី១៤-១៥ ខែវិច្ឆិកា ឆ្នាំ២០១៣ គ្រោងនឹងធ្វើឡើងនៅថ្ងៃទី០៩-១១ ខែកញ្ញា ឆ្នាំ២០១៣៕