កាលពីព្រឹកថ្ងៃទី២៦ ខែកុម្ភៈ ឆ្នាំ២០១៣ គណៈកម្មការទី៨ព្រឹទ្ធសភា ដឹកនាំដោយ លោកជំទាវ មាន សំអាន ប្រធានគណៈកម្មការ បានបើកកិច្ចប្រជុំផ្ទៃក្នុងគណៈកម្មការ ដើម្បីបូកសរុបលទ្ធផលការងារប្រចាំខែមករា និងកុម្ភៈ ឆ្នាំ២០១៣ និងកំណត់កាលបរិច្ឆេទចុះបេសកកម្មសិក្សាឈ្វេងយល់អំពីការជំរុញសមភាពយេនឌ័រ និងការផ្តល់អំណាចដល់​ស្រ្តី ពលកម្មកុមារ ទេសន្តប្រវេសន៍ នៅខេត្តកំពង់ស្ពឺ និងខេត្តកោះកុង នៅបន្ទប់ប្រជុំគណៈកម្មការ វិមានព្រឹទ្ធសភា៕ អត្ថបទ និងរូបភាព៖នាយកដ្ឋានព័ត៌មាន