នាព្រឹកថ្ងៃពុធ ៦រោច ខែស្រាពណ៍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២១ ខែសីហា ឆ្នាំ២០១៩ គណៈកម្មការអប់រំ យុវជន កីឡា ធម្មការ សាសនា វប្បធម៌វិចិត្រសិល្បៈ និងទេសចរណ៍ នៃព្រឹទ្ធសភា (គណៈកម្មការទី៧) ដឹកនាំដោយឯកឧត្តម ម៉ុម ជឹមហ៊ុយ ប្រធានគណៈកម្មការ បានអញ្ជើញចុះជួបសំណេះសំណាល និងពិភាក្សាការងារជាមួយនឹងលោកគ្រូ អ្នកគ្រូ ព្រមទាំងចុះ ទស្សនកិច្ច អគារបណ្ណាល័យ រោងជាង និងកន្លែងកសិដ្ឋានក្សេត្រសាស្ត្រ ព្រមទាំងកន្លែងបណ្តុះបណ្តាលជំនាញផ្សេងៗទៀតផងដែរ នៅវិទ្យាស្ថានបច្ចេកវិទ្យាកំពង់ឈើទាល ដែលស្ថិតនៅភូមិសំបូរ ស្រុកប្រាសាទសំបូរ ខេត្តកំពង់ធំ។
