នាថ្ងៃព្រហស្បតិ៍ ១០រោច ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៧ ខែមិថុនា ឆ្នាំ២០១៩ វេលាម៉ោង១៤:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញ ចូលរួមប្រជុំប្រចាំខែ មិថុនា ឆ្នាំ២០១៩ និងលើកទិសដៅខែកក្កដា ឆ្នាំ២០១៩ ជាមួយក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក ដោយផ្តោតបន្ថែមលើការងារសមាគមមនុស្សចាស់ឲ្យជួយណែនាំកូនចៅ ត្រូវនាំគ្នាជៀសឲ្យផុតពីគ្រឿងញៀន។ ក្នុងឱកាសនោះឯកឧត្តម ក៏បានឧបត្ថម្ភថវិកា ចំនួន៦០០, ០០០រៀលជួយលើកទឹកចិត្តការងារភូមិ សង្កាត់មានសុខសុវត្ថិភាពនិងថែទាំសុខភាពមនុស្សចាស់នៅមូលដ្ឋាន ស្ថិននៅសាលាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
