នៅអាកាសយានដ្ឋានអន្តរជាតិភ្នំពេញ នាព្រឹកថ្ងៃអង្គារទី១៥ ខែវិច្ឆិកា ឆ្នាំ២០២២ វេលាម៉ោង ០៨:៣០នាទី ឯកឧត្តមកិត្តិសេដ្ឋាបណ្ឌិត ជា ជេដ្ឋ ប្រធានគណៈកម្មការទី២ នៃព្រឹទ្ធសភា និងជាសមាជិកនៃក្រុមការងារទទួលបន្ទុកសើរើលក្ខន្តិកៈ នៃសភាប្រើភាសាបារាំង ជាសមាជិកអចិន្រ្តៃយ៍នៃក្រមសីលធម៌សមាជិកសភាប្រើភាសាបារាំង និងជាប្រធានក្រុមមិត្តភាពកម្ពុជា-សភាសហព័ន្ធវ៉ាល់ឡូនីព្រុចសែល បានអញ្ជេីញដឹកនាំគណៈប្រតិភូព្រឹទ្ធសភាធ្វេីដំណេីរមាតុភូមិនិវត្តន៍មកប្រទេសកម្ពុជាវិញ បន្ទាប់ពីបញ្ចប់បេសកកម្មនៅសាធារណៈរដ្ឋបារាំង និង សហព័ន្ធវ៉ាល់ឡូនីព្រុចសែល-ប៊ែលហ្សិក។
