នៅអាកាសយានដ្ឋានអន្តរជាតិភ្នំពេញ ថ្ងៃអង្គារទី ១ ខែវិច្ឆិកា ឆ្នាំ ២០២២ វេលាម៉ោង ២០ : ៣០ នាទី ឯកឧត្តម កិត្តិសេដ្ឋាបណ្ឌិត ជា ជេដ្ឋ ប្រធានគណៈកម្មការទី ២ នៃព្រឹទ្ធសភា និងជាសមាជិកនៃក្រុមការងារទទួលបន្ទុកសើរើ លក្ខន្តិកៈ នៃសភាប្រើភាសាបារាំង ជាសមាជិកអចិន្រ្តៃយ៍នៃក្រមសីលធម៌សមាជិកសភាប្រើភាសាបារាំង និងជាប្រធានក្រុមមិត្តភាពកម្ពុជា-សភាសហព័ន្ធវ៉ាល់ឡូនីព្រុចសែល បានដឹកនាំគណៈប្រតិភូចូលរួមប្រជុំក្រុមការងារទទួលបន្ទុកការសើរើលក្ខន្តិកៈនៃសភាប្រើភាសាបារាំង និងចូលរួមមហាសន្និបាតប្រចាំឆ្នាំនៃបណ្តាញក្រមសីលធម៌សមាជិកសភាប្រើភាសាបារាំង នៅសាធារណរដ្ឋបារាំងពីថ្ងៃទី ៣ ដល់ថ្ងៃទី ៨ ខែវិច្ឆិកា ឆ្នាំ ២០២២ និងទស្សនកិច្ចការងារនៅសភាសហព័ន្ធវ៉ាល់ឡូនីព្រុចសែល -ប៊ែលហ្សិក ពីថ្ងៃទី ៩ ដល់ថ្ងៃទី ១២ ខែវិច្ឆិកា ឆ្នាំ ២០២២ ។
