នាព្រឹកថ្ងៃទី១៣ ខែកញ្ញា ឆ្នាំ២០២២ ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងលោកជំទាវ ព្រមទាំងបុត្រាបុត្រី បានអញ្ជើញចូលរួមពិធីកាន់បិណ្ឌវេនទី៣ នៅវត្តជ័យឧត្តម ឃុំស្រះជីក ស្រុកភ្នំស្រុក ខេត្តបន្ទាយមានជ័យ (មូលដ្ឋានដែលឯកឧត្តមធ្លាប់រស់នៅក្នុងសម័យប៉ុលពត) ដើម្បីអរគុណសន្តិភាព និងដើម្បីរំលឹកនឹកគុណដល់គណបក្សប្រជាជនកម្ពុជា មាតា បិតា និងបងប្អូនញាតិសន្តានទាំងអស់ ដែលបានចែកឋានទៅ សូមឱ្យទទួលបាននូវពរជ័យគ្រប់ប្រការ និងសោយសុខនៅឋានសុគតិភព។
នាឱកាសនោះ ឯកឧត្តមប្រធានបានពាំនាំនូវគ្រឿងឧបភោគ បរិភោគ និងចង្ហាន់ប្រគេនដល់ព្រះសង្ឃដែលគង់ចាំព្រះវស្សា ព្រមទាំងបច្ច័យសម្រាប់កសាងវត្តចំនួន ១លាន៣សែនរៀល និង១៤០ដុល្លារ ព្រមទាំងបានចែកទានដល់ឧបាសក ឧបាសិកា ចំណុះជើងវត្ត និងកុមារា កុមារី សរុបចំនួន ២លាន៨សែនរៀល។
