ឯកឧត្តម ជា ជេដ្ឋ អញ្ជើញជាអធិបតីភាពក្នុងកិច្ចប្រជុំត្រៀមរៀបចំកម្រងឯកសារស្តីពីក្រមសីលធម៌សភារបស់សមាជិកព្រឹទ្ធសភា ======= នាព្រឹកថ្ងៃព្រហស្បតិ៍ ទី២៧ ខែមករា ឆ្នាំ២០២២ វេលាម៉ោង ៨:០០នាទី ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងជាប្រធានគណៈកម្មការក្រមសីលធម៌សភារបស់សមាជិកព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំត្រៀមរៀបចំកម្រងឯកសារស្តីពីក្រមសីលធម៌សភារបស់សមាជិកព្រឹទ្ធសភា ដោយមានការអញ្ជើញចូលរួមពី លោក តុន គន្ធូ ប្រធាននាយកដ្ឋានស្រាវជ្រាវច្បាប់ កញ្ញា គង់ សុមនី អនុប្រធាននាយកដ្ឋានទំនាក់ទំនងអន្តរជាតិ និងសហការី (ការិយាល័យហ្រ្វង់កូហ្វូនី) ព្រមទាំងជំនួយការគណៈកម្មការក្រមសីលធម៌សភារបស់សមាជិកព្រឹទ្ធសភា និងជំនួយការគណៈកម្មការទី២ព្រឹទ្ធសភា នៅសាលប្រជុំគណៈកម្មការទី២ព្រឹទ្ធសភា។
