គណៈកម្មការទី២ព្រឹទ្ធសភា ប្រជុំពិនិត្យសិក្សាលើសេចក្តីព្រាងច្បាប់ស្តីពី ភាពជាដៃគូររវាងរដ្ឋ និងឯកជន ======= នាព្រឹកថ្ងៃទី២៨ ខែតុលា ឆ្នាំ២០២១ គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃព្រឹទ្ធសភា (គណៈកម្មការទី២) ដឹកនាំដោយ ឯកឧត្តម ជា ជេដ្ឋ ប្រធានគណៈកម្មការ បានអញ្ជើញប្រជុំជាមួយនឹងតំណាងរាជរដ្ឋាភិបាល ដឹកនាំដោយឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង សេដ្ឋកិច្ច និងហិរញ្ញវត្ថុ ដើម្បីពិនិត្យ សិក្សាលើសេចក្តីព្រាងច្បាប់ ស្តីពីភាពជាដៃគូររវាងរដ្ឋ និងឯកជន នៅសាលប្រជុំគណៈកម្មការទី២ព្រឹទ្ធសភា តាមប្រព័ន្ធនិម្មិត (ZOOM)៕
