គណៈប្រតិភូក្រុមសភាជាតិកម្ពុជានៃសភានិយាយភាសាបារាំងAPF ដឹកនាំដោយឯកឧត្តម ជា ជេដ្ឋ អនុប្រធានក្រុមសភាជាតិកម្ពុជានៃសភានិយាយភាសាបារាំង និងជាប្រធានគណៈកម្មការទី២ព្រឹទ្ធសភា បានចូលរួមក្នុងកិច្ចប្រជុំគណៈកម្មការនយោបាយនៃសភានិយាយភាសាបារាំង (APF) តាមរយៈប្រព័ន្ធវីដេអូ (Visioconférence) នៅវិមានព្រឹទ្ធសភា (សាលប្រជុំពិសេស) វេលាម៉ោង ១៤:៣០នាទី ម៉ោងនៅទីក្រុងប៉ារីស ប្រទេសបារាំង ត្រូវនឹងថ្ងៃទី១២ ខែតុលា ឆ្នាំ២០២០ ម៉ោង១៩:៣០នាទី ម៉ោងនៅព្រះរាជាណាចក្រកម្ពុជា។ កិច្ចប្រជុំនេះប្រព្រឹត្តទៅក្រោមអធិបតីភាពឯកឧត្តម Christophe-André Frassa ប្រធានអង្គប្រជុំគណៈកម្មការនយោបាយនៃសភានិយាយភាសាបារាំង និងជាសមាជិកព្រឹទ្ធសភាបារាំង ដោយមានការចូលរួមពីប្រទេសជាសមាជិកសភានិយាយភាសាបារាំង។ ក្នុងកិច្ចប្រជុំនារាត្រីនេះ ឯកឧត្តម ជា ជេដ្ឋ ក៏បានថ្លែងបទអន្តរាគមន៍ស្តីពីបច្ចុប្បន្នភាពនយោបាយ នៅកម្ពុជាផងដែរ។
