នាព្រឹកថ្ងៃអាទិត្យ ២រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៥ ខែកញ្ញា ឆ្នាំ២០១៩ លោកជំទាវ ឱ សុខុម សមាជិកាក្រុមសមាជិកព្រឹទ្ធសភាប្រចាំភូមិភាគទី៨ និងជាសមាជិកាគណៈកម្មការទី២ ព្រឹទ្ធសភា បានដឹកនាំក្រុមគ្រូពេទ្យស្ម័គ្រចិត្ត នៃប្រទេសបារាំង (AMH) ចុះពិនិ្យ និងព្យាលជំងឺជូនប្រជាពលរដ្ឋទូទៅដោយមិនយកកម្រៃ ដែលមានរយៈពេល ចំនួន២ថ្ងៃ ចាប់ពីថ្ងៃ១៥ ដល់ថ្ងៃទី១៦ ខែកញ្ញា ឆ្នាំ២០១៩ នៅសាលបឋមសិក្សាមហាផល ឃុំឈានមុខ ស្រុកត្បែងមានជ័យ ខេត្តព្រះវិហារ។
