នា១០កើត ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១០ ខែសីហា ឆ្នាំ២០១៩ ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១ (រាជធានីភ្នំពេញ) បានអញ្ជើញជាគណៈអធិបតីក្នុងកិច្ចប្រជុំការងាររវាងក្រុមការងារចុះជួយខណ្ឌសែនសុខ ជាមួយក្រុមប្រឹក្សាសង្កាត់ទាំង៦ និងភូមិទាំង៤៧ ព្រមទាំងនាយកសាលាទាំងអស់ សរុបចំនួន១២០នាក់ ដើម្បីបែងចែកក្រុមការងារចុះតាមមូលដ្ឋាន ភូមិ ក្រុមប្រជាជនផ្សព្វផ្សាយអំពីជោគជ័យក្នុងការអភិវឌ្ឍប្រទេសក្នុងវិស័យសេដ្ឋកិច្ច សង្គមកិច្ច ដោយធានាបាននូវសុខសន្តិភាព សុវត្ថិភាព សណ្តាប់ធ្នាប់សង្គម និងប្តេជ្ញាទប់ស្កាត់រាល់ឧបាយកលរបស់គណបក្សប្រឆាំងដែលប៉ុនប៉ងផ្តួលរំលំរាជរដ្ឋាភិបាល នៅសាលាខណ្ឌសែនសុខ រាជធានីភ្នំពេញ។
