នាព្រឹកថ្ងៃអង្គារ ៨កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៩ ខែកក្កដា ឆ្នាំ២០១៩ វេលាម៉ោង១០:០០នាទី នៅវិមានរដ្ឋសភាបារាំង គណៈប្រតិភូសភាកម្ពុជាដឹកនាំដោយ ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងលោកជំទាវ ឡោក ខេង ប្រធានគណៈកម្មការទី៨រដ្ឋសភា បានអញ្ជើញបន្តចូលរួមស្ដាប់បទបង្ហាញ និងពិភាក្សាលើប្រធានបទ «តុលាការគណនេយ្យ Les cours des comptes» បង្ហាញដោយលោកស្រី Hélène MARINIER ជាទីប្រឹក្សាទទួលបន្ទុកឯកសារនៅការិយាល័យទី៣ នៃរដ្ឋសភាបារាំង។
ការបង្ហាញរបស់លោកស្រីសង្កត់លើចំណុចចំនួន៥ ក្នុងនោះមាន
១-តុលាការគណនេយ្យ ចាប់កំណើតនៅឆ្នាំ១៨០៧ ក្នុងរជ្ជកាលអធិរាជណាប់ប៉ូឡេអុង។
២-តុលាការគណនេយ្យតំបន់ដែលចេញពីប្រព័ន្ធវិមជ្ឈការ។
៣-ឧបករណ៍គតិយុត្តគណនេយ្យ។
៤-សកម្មភាពតុលាការអន្តរជាតិ និង
៥-ទំនើបកម្មក្នុងកិច្ចការចាត់ចែងការកាត់ក្ដីហិរញ្ញវត្ថុ។
